|
|
| Монголд ховорхон тохиох 1000 морины уралдаан болно |
 Төв аймгийн Баянцагаан сумын уугуул, Монгол улсын гавъяат малчин, ХХ зууны манлай уяач, Монгол улсын тод манлай уяач Данзаннямын Даваахүү, Төв аймгийн Баян сумын уугуул УИХ-ын гишүүн, МУ-ын шадар сайд, ММСУХ-ны ерөнхийлөгч М.Энхболд нарын санал санаачилгаар энэ сарын 29-ны өдөр Төв аймгийн Баянцагаан сумын нутагт орших “Их шавийн их шүтээн”-ийг хүндэтгэх ёслолд зориулан их насны 1000 хурдан хүлгийн уралдаан болох юм байна.
Монголын морин спортын түүхэнд 1000 морь уралдсан гуравхан тохиолдол байдаг. Анхных нь өдгөөгөөс 300 жилийн өмнө буюу 1709 онд Ламын гэгээний хоёрдугаар дүрийг таван настайд нь тодруулж, одоогийн Өвөрхангай аймгийн нутагт даншиг наадам зохион байгуулжээ. Тэр наадамд газар газраас цугларсан 1000 гаруй хурдан их насны морь уралдаж домогт “Арвагар хээр” морь түрүүүлсэн аж. Дараа нь 1963 онд Төв аймгийн 40 жилийн ойн баяраар мөн их насны 1000 хурдан ажнай тоосоо өргөжээ. Гурав дахь нь Ламын гэгээн Лувсанданзанжанцангийн түмэн өлзий гийсний 360 жилийн ой 1999 онд тохиож, гэгээнтний төрсөн нутаг Баянхонгор аймгийнхан газар газрын 1000 гаруй шилмэл хурдан хүлэг уралдуулж, өргөн дэлгэр даншиг наадам зохион байгуулж байсан.
Харин өдгөө Монголын түүхнээ дөрөв дэх удаагаа 1000 хурдан хүлэг шандсаа сорих гэж байна. Энэхүү уралдаан нь намар оройхон болж байгаа ч уяачид өргөнөөр оролцохоор хурдан хүлгүүдээ сойж, ур ухаанаа уралдуулж байгаа аж.
Энэхүү баяртай ХХ зууны манлай уяач, Монгол улсын тод манлай уяач Д.Даваахүүгийн алдрыг тэмдэглэх ёслолыг хамт хийх юм байна.
Түүний эцэг МУ-ын анхны 10 алдарт уяачийн нэг Мөнхийн Данзаннямын “Ажнай хүрэн” азрага Төрийн их баяр наадамд дөрөв түрүүлж, нэг айрагдаж байсан түүхтэй. Д.Даваахүү уяач өөрөө 1985 онд улсын баяр наадмаас хоёр түрүү, найман айраг авсан, мөн азарга, их насны түрүүг гурван удаа хамт авсан, дөрвөн жил дараалан азарга түрүүлгэсэн, нэг жилд азарганы түрүү болон хоёр айргийг хамт авсан, төрийн их наадмын азарганы түрүүг 10 удаа авсан, Монголын хамгийн хурдан хүлэг шалгаруулах Их хурд-I уралдаанд тухайн үед ММСУХ-ны ерөнхийлөгч байсан Хэнтий аймгийн Дархан сумын уугуул МУ-ын алдарт уяач У.Буяндэлгэрийн “Жинст хонгор” азаргыг уяж түрүүлгэсэн, Их хурд-II уралдаанд аавынхаа “Ажнай хүрэн” азарганы гал үр “Цолмон халтар” азаргаа сул түрүүлгэсэн зэрэг Монголын хурдан хүлэг, уяачдын түүхэн дэх ховорхон амжилтын эзэн юм.
Ч.Даш
|
|
| SakTube.com - World Online Videos! |  |
|
| Сэтгэгдлvvд | | Сэтгэгдэл алга.
|
|
| Нэвтэрч орж байж сэтгэгдэл бичнэ.
|
|
Зевхен гишvvд vнэлэх боломжтой.
Vнэлэхийн тулд та нэвтэрч орох эсвэл бvртгvvлнэ vv.
Энэ бичлэгт vнэлгээ алга байна.
|
|
|
| SMS зар сурталчилгаа |
155021 |
155021 |
155021 |
Search |
Та манай [ SMS зар булан ]
-р зараа урсгахыг хүсвэл дээрх тусгай дугаарууд руу SMS илгээнэ үү.
Та бичиж буй зарныхаа урд Sms гэж бичээд нэг хоосон зай аваад мессэж зар, зарлалаа бичнэ үү.
Жишээ нь: Sms Mark2 mashin yaraltai zarna.
|
|
| Танд хэрэгтэй мэдээлэл |  |
|
| Форумын сүүлчийн бичлэгүүд | |
|
|
| Аюулгүй интернэт хөтөч |  Хэрвээ та манай сайтыг илүү хурдан, аюулгүй, найдвартай, алдаагүй
үзэхийг хүсвэл доорх зурган дээр дарж дэлхийн хамгийн шилдэг Mozilla
Firefox вэб хөтөч програмийг үнэгүй татаж авахыг MBE.mn таньд санал
болгож байна. |
|
|
Гар утсанд
Гадаад цомог
Оддын амьдрал
Кино ертөнц
Флеш тоглоом
Фото зураг
Програм
Вэб дизайн
Спорт
Видёо, клип
Ном товхимол
Дуу сонсох
18+ булан
Тоглоом
Оруулсан: 
Сайтын мэдээллийг ашигласан тохиолдолд сайтын нэрийг заавал дурьдана.
Mozilla Firefox 3.0.1+, 1024x768px